സ്വപനലോകം

എന്റെ പേര് ശരത് പണിക്കർ. വയസ് ഇരുപത്താറ്. കണ്ണൂർ ജില്ലയിലാണ് വീട്. ബിടെക് പാസ്സായിട്ട് മൂന്ന് വർഷമായി. ജോലി ഒന്നും ആയില്ല. കുടുംബ വക കളരിയിൽ കുട്ടികളെ കായികാഭ്യാസം പഠിപ്പിച്ചും, പകൽ സമയം അടുത്തുള്ള ഐ ടി ഐ യിൽ ക്ലാസ് എടുത്തും കഴിഞ്ഞു പോകുന്നു. ആറടി പൊക്കം, അധികം വണ്ണമില്ലാത്ത ബോഡി, സുന്ദരൻ ആണെന്ന് എന്നെപ്പറ്റി കൂട്ടുകാർ പറയും. പതിനഞ്ചു വർഷമായി ദിവസവും രണ്ടു മണിക്കൂർ കളരി പ്രാക്ടീസ് ചെയ്യുന്നത് കൊണ്ടുള്ള ഗുണം ആണിത്. അങ്ങനെ ഇരിക്കുമ്പോഴാണ് ഇല്ക്ട്രിസിറ്റി വകുപ്പിൽ താൽകാലികമായി സബ് എൻജിനീയർ ജോലി കിട്ടുന്നത്. തെക്കോട്ട് ഞാൻ അധികം വന്നിട്ടില്ല. കോട്ടയം ജില്ലയിൽ ആണ് പോസ്റ്റിങ്ങ് കിട്ടിയത്. റബർ മരങ്ങൾ തണൽ വിരിച്ച ഒരു ഗ്രാമപ്രദേശം. എനിക്ക് നന്നേ ഇഷ്ടപ്പെട്ടു. ജോലിയിൽ ചേർന്ന് ഒരാഴ്ച കഴിഞ്ഞു. ഒരു ദിവസം എൻജിനീയർ എന്നെ വിളിപ്പിച്ചു. ബില് അടക്കാത്തവരുടെ ലിസ്റ്റ് എടുത്ത് വീടുകളിൽ പോയി വാണിംഗ് കൊടുക്കാനും, ഫ്യൂസ് ഊരാനുമാണ് നിർദേശം. പെട്ടെന്ന് തന്നെ കമ്പ്യൂട്ടറിൽ നിന്ന് ലിസ്റ്റ് പ്രിന്റ് എടുത്തു. അതിൽ രണ്ടു വീടുകൾ വാണിംഗ് ലെറ്റർ അയച്ചിട്ടും ബില് അടക്കാത്തവരാണ്. അവരുടെ മീറ്റർ ഇളക്കി കൊണ്ടുപോരണം. ഞാനും ല...