സ്വപനലോകം

വിനോദ് കാലത്ത് എഴുന്നേറ്റപ്പോൾ പത്ത് മണി കഴിഞ്ഞു. തലക്ക് വല്ലാത്ത പെരുപ്പ്, ഒന്നാമത് തലേ ദിവസം കുടിച്ചത് കുറച്ചധികമായോ എന്നൊരു സംശയം, പിന്നെ കാലത്ത് വന്ന് കിടന്നത് തന്നെ നാലര അഞ്ച് മണിയോടെയാണ്. കാലത്തെ പരിപാടിയെല്ലാം കഴിഞ്ഞ് പാന്റും ഷർട്ടും നോക്കിയപ്പോൾ അവന്റെ ഉളൊന്ന് പിടഞ്ഞു. തന്റെ പേഴ്സ്സും, ചാവി കൂട്ടങ്ങൾ അടങ്ങിയ ചെറിയ പൗച്ചും കാണുന്നില്ല. ദൈവമേ ചതിച്ചോ? പേഴ്സ് പോയാലും കുഴപ്പമില്ല, കുറച്ച് പൈസ പോവും അത്രയേ ഉള്ളൂ. പക്ഷേ, പൗച്ച് പോയാൽ, ചിന്തിക്കാനാവില്ല. തന്റെ ജീവിതമാണ് അകത്ത്. ഏതു പൂട്ടും തുറക്കാൻ പറ്റുന്ന ചാവി കൂട്ടങ്ങൾ, വിനോദിന് ഇരുന്നിട്ട് ഇരുപ്പുറച്ചില്ല. എവിടെയായിരിക്കും അത് താൻ ഇന്നലെ വച്ചത്, ഇന്നലെ രാത്രി താൻ ഏത് വീട്ടിലാണ് കയറിയത് എന്നൊരു രൂപവുമില്ല. രാത്രി പവർക്കട്ട് കാരണം ഏത് വീട്ടിലാണ് കയറിയത് എന്ന് ശ്രദ്ധിച്ചില്ല . എങ്ങിനെ കണ്ട് പിടിക്കും? അവന് ഒരു എത്തും പിടിയും കിട്ടിയില്ല. എന്ത് വേണമെന്ന് ആലോചിച്ച് ഇരിക്കുമ്പോഴാണ് വിനോദിന്റെ മകൾ ദിവ്യ പടി കടന്ന് വരുന്നത്. മെല്ലെയാണ് നടത്തം, നടക്കാൻ വളരെ ബുദ്ധിമുട്ടുള്ളതുപോലെ, കാലുകൾ ഇടറുന്നു. വളരെ വിഷമിച്ചാണ് നടപ്പ് . ഇവൾക്ക് എന്ത് പറ്...