സ്വപനലോകം

മനോജ് മുപ്പത്തഞ്ചുകാരനായ ഒരു കമ്പനി മാനേജർ ആണ്. സുമുഖൻ, നല്ല ശമ്പളം. വിവാഹിതനാണെങ്കിലും ഭാര്യയുമായി നല്ല സ്വരച്ചേർച്ചയില്ല. നാട്ടിൽ പോക്ക് വല്ലപ്പോഴുമേ ഉള്ളു. വിദേശത്തുള്ള ഒരു സുഹൃത്തിൻ്റെ ഇടപ്പള്ളിയിലെ ഫ്ലാറ്റിൽ ആണ് താമസം. ഫ്ലാറ്റിൽ ഭക്ഷണം പാകം ചെയ്യാനുള്ള സൗകര്യങ്ങൾ എല്ലാമുണ്ട് എങ്കിലും പുറത്തു നിന്നാണ് കഴിക്കുന്നത്. മനോജ് സംസാര പ്രിയൻ ആയതിനാൽ സുഹൃദ് വലയവും വലുതാണ്. വൈകുന്നേരങ്ങളിൽ അവരോട് കമ്പനി കൂടി സമയം ചെലവഴിക്കും. എങ്കിലും ഏകാന്തത അയാളെ അസ്വസ്ഥനാക്കുന്നുണ്ട്. കടവന്ത്രയിലാണ് മനോജിൻ്റെ ഓഫീസ്. ഓഫീസിൽ മേലുദ്യോഗസ്ഥർക്കും സഹപ്രവർത്തകർക്കും മനോജ് പ്രിയങ്കരനാണ്. അങ്ങനെ ഇരിക്കെ ഒരു വൈകുന്നേരം കൂട്ടുകാരുമായുള്ള ഒത്തു കൂടലിനിടയിൽ ‘ജോയി’ എന്നൊരു സുഹൃത്ത് തൻ്റെ പരിചയത്തിൽ ഉള്ള ഒരു പെൺകുട്ടി ജോലി നഷ്ടപ്പെട്ട് പ്രയാസത്തിൽ ആണെന്നും, ഒരു ജോലിക്കായി അവളെ സഹായിക്കാമോ എന്നും ചോദിച്ചു. ജോയിയുടെ നാട്ടുകാരിയാണ് അവൾ. “നോക്കാം. സി.വി. യുമായി നാളെ ഉച്ച കഴിഞ്ഞ് എൻ്റെ ഓഫീസിലേക്ക് വരാൻ അവളോട് പറയൂ” മനോജ് പറഞ്ഞു. ജോയി അത് സമ്മതിച്ചു. അടുത്ത ദിവസം ഉച്ച കഴിഞ്ഞ് അവൾ മനോജിൻ്റെ ഓഫീസിൽ എത്തി. “ജോയി സാർ ...